(ВИДЕО) АМЕРИКА ГО НАПАДНА ОСТРОВОТ КЕШМ Иран веднаш возврати, светот повторно во страв
САД го потврдија напади на островот Кешм и операцијата ја опишаа како самоодбрана.
САД денес потврдија дека извршиле напади на островот Кешм, со цел пресретнување на „повеќе ирански балистички ракети и беспилотни летала“. Вашингтон ги опиша операциите како „напади за самоодбрана“ и реакција на, како што наведуваат, ирански обиди за напади низ поширокиот регион на Блискиот Исток.
Според соопштението на Централната команда на САД (CENTCOM), Иран лансирал неколку балистички ракети кон соседни држави, но дел од нив не ги погодиле целите. Две ракети, испукани кон Кувајт, паднале или се распаднале во лет, додека три ракети насочени кон Бахреин биле пресретнати од американските и бахреинските системи за воздушна одбрана. Во инцидентите, според истите извори, нема пријавени повредени американски војници.
Од друга страна, Исламската револуционерна гарда (IRGC) соопшти дека Соединетите Американски Држави ќе „платат висока цена“ за, како што наведуваат, загрозување на безбедноста на Хормутскиот теснец.
Како што пренесува „Скај њуз“, изјавата следува по американските напади на островот Кешм, кој се наоѓа во близина на стратешки важната бродска рута. ИРГК тврди дека тие напади биле насочени кон телекомуникациска кула, по што, како одговор, извршиле ракетни и беспилотни напади врз американска воздухопловна база и хеликоптерска единица во „една од земјите во регионот“, за која се претпоставува дека е Кувајт, објави B92.
„Претходно предупредивме дека доколку има агресија, одговорот ќе биде различен и потежок. Ова треба да послужи како лекција. Повторуваме: нарушувањето на безбедноста на Хормутскиот теснец ќе има висока цена за американската армија,“ соопшти ИРГК.
🎥 WATCH:
The IRGC claims the U.S. attacked Qeshm Island, prompting Iran to launch retaliatory drone and missile strikes against Kuwait. Air defense systems were activated as sirens sounded across Kuwait, while warning sirens and explosions were also reported in Bahrain amid… https://t.co/bzwiMxyxHQ pic.twitter.com/Rlt38PT2rz— Mossad Commentary (@MOSSADil) June 3, 2026