ТРАМП НЕ СЕ ПОВЛЕКУВА Го уништуваме Иран со темпо за кое никој не мислеше дека е можно

Американскиот претседател Доналд Трамп изјави дека САД го напаѓаат Иран со интензитет што, според него, досега никој не можел да го замисли.

„Добро ни оди. Ги уништуваме со темпо за кое никој не мислеше дека е можно“, им изјави Трамп на новинарите, коментирајќи ги американските воени операции против Иран.

Сепак, американскиот претседател призна дека и Иран успеал да изврши напад врз американска воена база во Јордан.

Трамп на 8 јули изјави дека прекинот на огнот со Иран, кој беше постигнат во текот на ноќта на 18 јуни, повеќе не е во сила. Оттогаш, американските сили извршија неколку серии напади врз цели во Иран.

Од американската Централна команда соопштија дека воените операции биле преземени како одговор на активностите на Иран против комерцијалните бродови кои пловат низ Ормутскиот теснец.

Иранската војска возврати со напади врз американски воени бази во повеќе земји на Блискиот Исток.

Техеран, во меѓувреме, го обвини Вашингтон дека го прекршил постигнатиот договор за прекин на непријателствата, дополнително зголемувајќи ги тензиите меѓу двете земји.

ШЕСТ ДЕНА ПЕКОЛ ЗА ИРАН – САД го засилија нападот, Трамп најави уште пожестоки удари