СИБИХА СО ТЕШКО ПРЕДУПРЕДУВАЊЕ Русија има планови за Европа
Украинскиот шеф на дипломатијата тврди дека украинските и европските разузнавачки служби располагаат со информации за конкретни руски планови и повикува Европа да биде подготвена.
Украинскиот министер за надворешни работи Андриј Сибиха изјави дека украинските и разузнавачките служби на партнерските европски земји имаат информации за, како што тврди, конкретни планови на Русија за можни напади врз земји од Европската Унија.
Според Сибиха, Москва се обидува да ја ослаби европската поддршка за Украина преку создавање безбедносни ризици и вршење притисок преку различни операции во европските земји.
„И европските разузнавачки служби и ние имаме информации за плановите на Русија. Постојат јасно разработени планови со цел напад врз една или друга европска земја“, рече Сибиха, пренесува „Укринформ“.
Тој додаде дека разузнавачките служби се запознаени со овие планови и порача дека Европа треба навреме да се подготви и да преземе мерки за нивно спречување.
