СИ ЏИНПИНГ ЛИЧНО ГО ПРЕЧЕКА ТРАМП, ПУТИН НЕ ЈА ДОБИ ТАА ЧЕСТ Дипломатски сигнал што привлече внимание

Кинескиот претседател направи невообичаен дипломатски потег, лично пречекувајќи го американскиот претседател Доналд Трамп на аеродромот во Шенжен. За разлика од него, рускиот претседател Владимир Путин беше пречекан од шефот на кабинетот на Си.

СИ ЏИНПИНГ ЛИЧНО ГО ПРЕЧЕКА ТРАМП, ПУТИН НЕ ЈА ДОБИ ТАА ЧЕСТ Дипломатски сигнал што привлече внимание
Фото: Принтскрин

Кинескиот претседател Си Џинпинг лично го пречека американскиот претседател Доналд Трамп на аеродромот во Шенжен, каде што американскиот лидер пристигна на самитот на Азиско-пацифичката економска соработка (АПЕК).

Овој потег привлече особено внимание бидејќи претставува отстапување од вообичаената дипломатска практика во Кина. Откако ја презеде функцијата, Си лично не пречекал ниту еден американски претседател на аеродром, поради што неговото појавување на пистата се толкува како силен дипломатски сигнал за значењето на односите меѓу двете најголеми светски економии.

Особено интересна е споредбата со пречекот на рускиот претседател Владимир Путин, кој пристигна во Шенжен порано во текот на денот. За разлика од Трамп, Путин беше пречекан од Цаи Инг-вен, началникот на кабинетот на кинескиот претседател. Иако станува збор за високо ниво на дипломатска чест, разликата во протоколот веднаш привлече внимание.

Со личниот пречек на Трамп, Си практично одговори на гестот што американскиот претседател го направи претходно оваа година, кога лично го пречека кинескиот лидер по неговото пристигнување во воената база Ендрус во САД.

Пред пристигнувањето на Трамп, Си Џинпинг и Владимир Путин одржаа повеќе од двочасовна средба во Шенжен. Во фокусот на разговорите биле билатералните односи и можностите за продлабочување на економската соработка.

Путин оцени дека руско-кинеското партнерство претставува стабилен и позитивен фактор на меѓународната сцена, додека Си повика на дополнително зајакнување на соработката и заеднички напори за изградба на мултиполарен светски поредок.

Посебно внимание привлекува најавата за трилатерална средба меѓу Си, Путин и Трамп во Шенжен. Според најавите од кинеското Министерство за надворешни работи, тројцата лидери треба да разменат мислења за прашања поврзани со глобалниот мир.

Меѓу најважните теми се очекуваат нуклеарното разоружување, трговските односи и меѓународната безбедност. Дипломатските сигнали од Шенжен покажуваат дека Пекинг истовремено настојува да ги одржува стратешките односи со Москва и да отвори простор за директен дијалог на највисоко ниво со Вашингтон.

ПУТИН СТИГНА ВО ШЕНЖЕН И ВЕДНАШ СЕДНА НА МАСА СО СИ ЏИНПИНГ Што договорија двајцата лидери

CATEGORIES
TAGS
Share This