ШПИОНСКА ТРЕВОГА ВО АВСТРИЈА Властите алармираат за активностите на Русија, Кина и Иран

Австриската влада е во завршна фаза од преговорите за нов закон со кој значително ќе се заострат одредбите против шпионажата. Според државниот секретар задолжен за безбедност, Јерг Лајхтфрид, законскиот пакет наскоро треба да биде ставен на јавна дискусија.

Лајхтфрид изјави за АПУ, а пренесува „Стандард“, дека Акцискиот план за борба против десничарскиот екстремизам треба да биде финализиран до крајот на годинава.

Тој предупреди дека последиците од шпионажата можат да бидат огромни, посочувајќи дека разузнавачките структури на Русија, Кина и Иран се особено активни на територијата на Австрија.

Австриските власти со новите мерки имаат за цел дополнително да ја зајакнат заштитата на државата од странско разузнавачко влијание и активности.