СЕ УРИВААТ И НЕ МОЛАТ ЗА ИТНА ПОМОШ – Трамп со драматично предупредување за Иран
Клучната улога на Ормускиот теснец во глобалната енергетска стабилност.
Американскиот претседател Доналд Трамп изјави дека Иран се соочува со сериозна криза, тврдејќи дека земјата е во „состојба на колапс“ и дека побарала итно отворање на Ормускиот теснец.
Во објава на својата платформа Truth Social, Трамп наведе дека Техеран побарал брза реакција од САД за повторно воспоставување на поморскиот сообраќај, додека паралелно се обидува да ја стабилизира внатрешната политичка ситуација.
Претходно, Трамп сигнализираше дека е скептичен кон најновиот ирански предлог за деескалација, кој предвидува отворање на теснецот, но одложување на разговорите за нуклеарната програма. Тој став го изнел и на состанок со високи претставници за национална безбедност, каде биле изразени резерви околу намерите и капацитетот на иранското раководство да донесе конечни одлуки.
Американски официјални лица посочуваат дека постои неизвесност и потенцијални внатрешни поделби во Иран, што дополнително ја комплицира дипломатската комуникација.
Од Белата куќа засега нема детални коментари, освен ставот дека САД ќе прифатат исклучиво договор кој гарантира дека Иран нема да развие нуклеарно оружје.