СЕ ТРЕСЕ НАФТЕНИОТ ПАЗАР – Одлука што сите ја чекаат денес

Саудиска Арабија, Русија и уште пет земји од ОПЕК+ денеска одржуваат онлајн состанок за да одлучат за новите квоти за производство на нафта, по повлекувањето на Обединетите Арапски Емирати од организацијата.

Се очекува договор за умерено зголемување на производството од околу 188.000 барели дневно, како продолжение на претходните одлуки, но аналитичарите сметаат дека реалното зголемување може да биде ограничено.

Производството на членките со квоти моментално е значително под дозволените нивоа, што создава голем дефицит. Најголем товар носат Саудиска Арабија, Ирак и Кувајт, додека Иран е надвор од системот на квоти.

Русија останува клучен играч, но се соочува со ограничувања поради санкции и воениот конфликт во Украина.

Повлекувањето на Емиратите се смета за значаен удар за ОПЕК+, бидејќи земјата има големи производствени капацитети и амбициозни планови за проширување на извозот.