РКЕ ДЕНЕСКА ОДЛУЧУВА Дизелот поевтинува за 7, бензините за 4 денари

Регулаторната комисија за енергетика (РКЕ) денеска ќе донесе одлука за новите цени на горивата во Македонија, а според најавите се очекува значително намалување на малопродажните цени на нафтените деривати.

Премиерот Христијан Мицкоски изјави дека, според актуелните пресметки, цената на еуродизелот би можела да се намали за околу 7 денари по литар, додека бензините Еуросупер-95 и Еуросупер-98 се очекува да поевтинат за приближно 4 денари по литар.

Намалувањето доаѓа како резултат на падот на цените на суровата нафта на светските пазари и постепеното смирување на глобалните енергетски и геополитички тензии.

„Со финализирањето на кризата очекуваме пазарите да влезат во помирни и попредвидливи води. Нашите проекции се дека до крајот на годината просечната цена на барел сурова нафта ќе се движи меѓу 70 и 80 долари“, изјави Мицкоски.

Доколку најавите се потврдат, ова ќе биде едно од поголемите поевтинувања на горивата во последниот период, што ќе донесе директно олеснување за домашните буџети, но и за транспортниот и стопанскиот сектор.

Официјалната одлука на РКЕ се очекува во текот на денот, а новите цени ќе стапат во сила од полноќ.

ЌЕ СЕ ИЗРАДУВААТ СИТЕ ВОЗАЧИ Следува драстичен пад на цените на пумпите