ПРЕСВРТ ВО ВОЈНАТА Иран попушта за нуклеарната програма, се отвора пат за договор со САД
Техеран ги разгледува предлозите на Катар за прашања што досега биле надвор од преговарачката маса, објавува „Блумберг“
САД и Иран би можеле да направат значаен чекор кон завршување на војната, откако Техеран покажал подготвеност да разговара и за прашања поврзани со својата нуклеарна програма кои досега биле надвор од преговарачката маса.
Ова го објавува „Блумберг“, повикувајќи се на дипломат запознаен со текот на преговорите, кој зборувал под услов да остане анонимен. Според информациите, Иран ги разгледува предлозите за своите нуклеарни активности што ги претставил Катар, кој има улога на главен посредник во разговорите.
Евентуалната подготвеност на Техеран да направи отстапки во оваа област би можела да отвори простор за значителен напредок и да ги придвижи преговорите од мртва точка. Разговорите меѓу Вашингтон и Техеран се во застој по пропаѓањето на привремениот мировен договор постигнат во јуни.
Иако сè уште нема конечен договор, сигналите од иранска страна за разгледување на досега неприфатливи прашања ја зголемуваат можноста за нова дипломатска иницијатива што би можела да доведе до завршување на војната.
