ОД КАНЦЕЛАРИЈА ДО ДНЕВНА СОБА – Работата од дома станува новото „нормално“

Според податоците, порастот на работата на далечина е поврзан со глобалната енергетска нестабилност и зголемувањето на цените на горивата, што влијаело дел од вработените и работодавачите да се насочат кон работа од дома. Учеството на вработени кои работат од далечина се зголемило од 23% во 2023 година, на 24% во 2024 година и достигнало 25% во 2025 година.

Во споредба со периодот пред пандемијата, кога во 2019 година околу 13% од вработените повремено работеле од дома, се забележува значителен и континуиран раст на флексибилните модели на работа. Сепак, податоците покажуваат дека само мал дел од нив работат исклучиво од дома, додека најголемиот број комбинираат работа од канцеларија и од далечина.

Најголемо учество на работа од далечина е забележано во секторите на информатичката технологија, деловната администрација и консалтингот, додека во угостителството, малопродажбата и сличните дејности овој модел останува ограничен.

Во рамки на Европската Унија, Германија е нешто над просекот кој изнесува околу 23%. Највисоки стапки се регистрирани во Холандија, Шведска и Луксембург, додека најниски се во Романија и Бугарија.