НАД 350 ДРОНОВИ КОН МОСКВА 64 уништени додека се приближувале кон руската престолнина

Повеќе од 350 дронови биле насочени кон Московскиот регион во периодот од четвртокот навечер до петокот наутро, соопшти градоначалникот на Москва, Сергеј Собјанин.

Според неговите информации, најголемиот дел од беспилотните летала биле уништени на периферијата на Московскиот регион, додека 64 дронови биле соборени при приближувањето кон руската престолнина.

„Од 20 часот на 17 септември до 7 часот на 18 септември, повеќе од 350 дронови летаа кон Московскиот регион. Повеќето беа уништени на периферијата, а 64 беа уништени додека се приближуваа кон Москва“, напиша Собјанин на својот канал на платформата „Макс“.