КИНА ГО УДРИ ИРАН Пад на нафтата каков не е виден со години

Иран би можел да се соочи со значителни тешкотии во продажбата на своите нафтени резерви дури и во случај на олеснување на санкциите кон неговиот енергетски сектор, предупредуваат аналитичари.

Причината, според нив, е намалениот интерес од Кина и најголемиот светски увозник на сурова нафта и традиционално клучен купувач на иранската нафта. Пекинг, како што се наведува, во моментов не покажува силна подготвеност за зголемување на набавките, не само од Иран, туку и од други производители.

Кинескиот увоз на сурова нафта е во опаѓање од почетокот на конфликтот во Иран кон крајот на февруари, што дополнително ја намалува глобалната побарувачка. Во мај, увозот се намалил за 29 проценти на годишно ниво, на 7,82 милиони барели дневно и најниско ниво од февруари 2018 година.

Дополнително, увозот на иранска нафта во Кина во јуни паднал за повеќе од 50 проценти во споредба со претходниот месец, на околу 654.000 барели дневно.

Аналитичарите истакнуваат дека тензиите на Блискиот Исток ја засилуваат стратешката насоченост на Кина кон енергетска транзиција и ја забрзуваат потребата од развој на нефосилни извори на енергија. Кинескиот премиер Ли Чијанг веќе ја нагласил потребата од нов енергетски систем, со поголем фокус на иновации и реформи.

Во исто време, глобалната понуда на нафта се очекува дополнително да се зголеми, откако ОПЕК+ одлучи да ја зголеми производствената цел за август за 188.000 барели дневно. Овој потег е дел од планот за постепено укинување на претходните ограничувања, при што вкупните квоти се зголемени за околу 940.000 барели дневно од почетокот на конфликтот.

Пазарните аналитичари предупредуваат дека растот на понудата веќе се чувствува на глобалниот пазар. Иран, според нив, испратил над 40 милиони барели нафта по укинувањето на поморската блокада од страна на САД, додека рускиот извоз достигнал рекордни нивоа.

Сепак, ризикот од нови нарушувања во снабдувањето преку Хормускиот Теснец останува. Според аналитичарите, евентуални ограничувања или нови такси за премин низ овој стратешки морски коридор би можеле дополнително да ја комплицираат состојбата на енергетските пазари.

ВАШИНГТОН ПОВЛЕЧЕ ПОТЕГ, ПЕКИНГ ВЕДНАШ ОДГОВОРИ – Иранската нафта во центарот на конфликтот