ИМАТЕ 10.000 ДЕНАРИ Државата нуди граѓански обврзници со годишна камата од 4,6 отсто
Аукцијата ќе се одржи на 3 декември, а државата планира да прибере 100 милиони денари.

Фото: Принтскрин
Граѓаните ќе можат повторно да вложуваат пари во државни обврзници со годишна каматна стапка од 4,6 проценти. Министерството за финансии го објави проспектот за четвртата емисија граѓански обврзници, за која минималниот износ на вложување е 10.000 денари.
Преку новата емисија државата планира да прибере 100 милиони денари, односно околу 1,6 милиони евра. Аукцијата ќе се одржи на 3 декември, во периодот од 9 до 13 часот, а обврзниците ќе бидат денарски, без девизна клаузула.
Заинтересираните граѓани ќе можат да поднесуваат барања преку овластените банки најдоцна до 1 декември. Банките посредуваат во учеството на аукцијата, при што граѓаните треба навреме да ги проверат условите и роковите за поднесување барања и уплата на средствата.
CATEGORIES Бизнис

