ИЛЈАДНИЦИ СЛОБОДНИ РАБОТНИ МЕСТА ВО МАКЕДОНИЈА Каде најмногу се бараат работници?

Според податоците на Државниот завод за статистика, стапката на слободни работни места во првото тримесечје од годинава изнесува 2,07%.

Најмногу слободни работни позиции, вкупно 2.346, се регистрирани во петтата група занимања,  работници во услужни дејности и продажба.

По региони, Вардарскиот регион бележи највисока стапка од 2,28%.

Анализата по сектори покажува дека најголем процент на слободни работни места има во дејноста сместување и послужување храна, со 4,94%, додека најниска стапка од само 0,15% е забележана во секторот снабдување со електрична енергија, гас, пареа и климатизација.

Гледано според големината на деловните субјекти, највисока стапка на слободни работни места имаат компаниите со 10 до 49 вработени, каде таа изнесува 3,05%.