ГУСКИ СО ПУШКИ И ФРИЗУРА НА ТРАМП Претседателот објави бизарно видео
Вештачката интелигенција ги претвори канадските гуски во вооружена „армија“ која патролира по бреговите на новото „Езеро Америка“
Американскиот претседател Доналд Трамп објави бизарно видео генерирано со вештачка интелигенција, на кое се прикажани вооружени канадски гуски со фризури налик на неговата, како патролираат по бреговите на „Езерото Америка“.
Видеото следува откако Трамп потпиша извршна наредба со која езерото Онтарио треба да биде преименувано во „Езеро Америка“.
Снимката трае 34 секунди и е проследена со препознатливата насловна музика од популарната серија „Хаваи 5-0“. На неа се гледаат канадски гуски како маршираат во близина на Големите езера.
Во сатиричната снимка, гуските се прикажани со човечки раце, вооружени со автоматски пушки и со карактеристичната руса фризура на американскиот претседател.
Канадската гуска е еден од најраспространетите видови диви гуски во светот, а во видеото е искористена како симболична и хумористична референца кон односите меѓу САД и Канада.
