ГОЛЕМИТЕ ИМИЊА НОСАТ ПРИТИСОК Нокаут фазата носи жестоки пресметки
Три фудбалски гиганти денеска го продолжуваат патот кон трофејот, но ги очекуваат незгодни противници.
Трите натпревари од нокаут-фазата на Светското првенство денеска носат вистински фудбалски спектакл. На терен ќе излезат два поранешни светски шампиони и еден финалист на Мундијалите, а за сите нив ова ќе биде првиот сериозен тест во фазата во која нема простор за поправен.
Сите три селекции кои важат за фаворити во денешните дуели групната фаза ја завршија со по две победи, а единствениот кикс не им создаде проблем да обезбедат пласман во следната рунда.
Бразил во Хјустон се соочи со Јапонија. „Кариоките“ групната фаза ја завршија на првото место, иако ремизираа со Мароко (1:1). Победите против Хаити и Шкотска им беа доволни за лидерската позиција. Јапонија, пак, во групата одигра нерешено со Холандија и Шведска, а со триумфот над Тунис обезбеди место во нокаут-фазата.
Во Бостон следува пресметката меѓу Германија и Парагвај. Германците единствениот пораз го претрпеа од Еквадор, но успеаја да ги совладаат Курасао и Брегот на Слоновата Коска. Парагвај приреди изненадување со победата над Турција, откако претходно загуби од САД, а во последното коло одигра без голови со Австралија.
Најголема неизвесност се очекува во дуелот меѓу Холандија и Мароко, кој ќе се игра во Монтереј. Холанѓаните по ремито против Јапонија ги совладаа Тунис и Шведска и го освоија првото место во групата. Мароко, пак, покажа голема борбеност со ремито против Бразил и победите над Хаити и Шкотска.
Распоред на натпревари: Бразил – Јапонија (19:00 часот), Германија – Парагвај (22:00 часот) и Холандија – Мароко (03:00 часот).
ФУДБАЛСКИ ЗЕМЈОТРЕС НА МУНДИЈАЛОТ 2026 Африка испиша историја со рекорд кој ќе се памети
