ДРАМА НА МУНДИЈАЛОТ Гол во 94-та, па ФИФА се предомисли за стрелецот
Куки се радуваше, но вистината стигна доцна кога стрелецот беше сменет во записникот.
Катар освои значаен бод против Швајцарија во натпревар што заврши 1-1, а вистинска драма следеше по последниот свиреж.
Иако првично стрелец на израмнувачкиот гол во 94-тата минута беше Буалеми Куки, ФИФА два часа по натпреварот ја промени одлуката и погодокот го регистрираше како автогол на швајцарскиот дефанзивец Миро Мухајм. Тој влезе во игра во 89-тата минута на местото на Рикардо Родригез, а по центаршут од левата страна несреќно ја испрати топката во сопствената мрежа.
И покрај корекцијата во записникот, во Катар владееше голема еуфорија. Навивачите го славеа бодот против фаворизираната Швајцарија, а Куки во нивните очи остана херој на акцијата што донесе историски резултат на Светското првенство.
Овој случај уште еднаш ја потврди строгоста на ФИФА во водењето на статистиката и прецизното евидентирање на стрелците.
Катар со гол во судиското продолжение успеа да израмни и да стигне до голем бод против силниот противник. Клучна улога имаше и голманот Махмуд Абу Нида, кој со неколку важни интервенции го држеше тимот во игра.
По натпреварот, Абу Нида емотивно изјави дека му благодари на Бога за резултатот и дека тимот одиграл храбро и посветено:
„Му благодарам на Алах, господарот на сите светови за овој бод. Ова е историски момент за Катар на Мундијалот. Сите играчи дадоа максимум, никој не се повлече од дуел. Овој резултат го посветувам на мојата мајка и семејството“, изјави тој.
