ДОЖД И ГРМЕЖИ ЈА ЗАФАЌААТ МАКЕДОНИЈА – УХМР најавува поројни врнежи и нестабилно време
Нестабилноста ќе биде поизразена попладне и во текот на ноќта, а температурите ќе се движат од 8 до 24 степени.
Променливо облачно и нестабилно време со повремени локални врнежи од дожд најавува Управата за хидрометеоролошки работи (УХМР). Врнежите ќе бидат почести во попладневните часови и во текот на ноќта, а во одделни делови од земјата ќе има услови за пороен дожд проследен со грмежи.
Според метеоролозите, утринските часови во некои котлини ќе донесат услови за појава на магла, додека во текот на денот ќе дува слаб до умерен ветер од јужен правец.
Минималните температури ќе се спуштат до 8 степени, додека максималните дневни ќе достигнат 24 степени.
Во Скопје се очекува слична временска слика, со променлива облачност и повремени врнежи од дожд, особено попладне и во текот на ноќта.
Во одредени делови од Скопската Котлина врнежите ќе бидат поинтензивни и поројни, со можност за појава на грмежи. Ќе дува слаб до умерен ветер од променлив правец.
Според најавата на УХМР, нестабилните временски услови ќе бидат најизразени во втората половина од денот и во ноќните часови.
