БУНДЕСТАГОТ УДРИ ПО ЗЕЛЕНСКИ Ова е огромна грешка, Украина се враќа назад
Германскиот политичар Антон Хофрајтер тврди дека разрешувањето на Михаило Федоров е отстапување пред старите структури во украинската армија.
Претседателот на Комитетот за прашања на Европската унија во германскиот Бундестаг и пратеник од Зелената партија Антон Хофрајтер, оцени дека украинскиот претседател Володимир Зеленски направил „огромна грешка“ со разрешувањето на Михаило Федоров од функцијата министер за одбрана. Според Хофрајтер, со овој потег Зеленски наводно попуштил под влијание на старите структури и коруптивни врски во украинскиот воен систем.
„Во Украина се води жестока борба за власт. Зеленски направи огромна грешка“, изјави германскиот пратеник.
Тој истакна дека смета оти Киев се вратил кон старите влијанија во вооружените сили и повика германските власти да извршат притисок врз украинското раководство за преиспитување на одлуката за Федоров. Во меѓувреме, на 16 и 17 јули во Киев и други украински градови се одржаа протести во поддршка на поранешниот министер за одбрана Михаило Федоров, а дел од демонстрантите изразија незадоволство и кон врховниот командант на украинската армија, Александар Сирски. Протести беа пријавени во Киев, Одеса, Харков, Черновци и Кривји Рог.
Разрешувањето на Федоров дојде во период на најавена владина реконструкција во Украина. По најавите, премиерката Јулија Свириденко поднесе оставка заедно со целиот владин состав, а за нов премиер беше назначен поранешниот директор на „Нафтогас“, Сергеј Корецки.
