ЗАПОЧНУВААТ ДА ГО ОСВОЈУВААТ ГЛОБАЛНИОТ ПАЗАР – Кинеските компании за ЕВ за првпат со повеќе инвестиции во странство

Компаниите од кинескиот сектор на електрични возила (EV) минатата година првпат вложија повеќе капитал во странство отколку на домашниот пазар, покажува извештајот на нјујоршката Rhodium Group.

Според извештајот, вкупната вредност на странските инвестиции достигнала околу 16 милијарди долари, главно во фабрики за производство на батерии, додека во Кина вложувањето било нешто помалку – околу 15 милијарди долари, пренесуваа повеќето медиуми.

Истражувачите оценуваат дека овие бројки претставуваат “историски заокрет”, бидејќи во претходните години околу 80 проценти од инвестициите на компаниите биле насочени кон Кина, известува Bloomberg. Оваа промена во трендовите на инвестиции укажува на растечката глобална амбиција на кинеските компании во секторот на електрични возила.