ПАПАТА ДО ТРАМП И ПУТИН Постигнете примирје, запратете ја војната

Пред долгоочекуваниот состанок во Алјаска меѓу американскиот претседател Доналд Трамп и рускиот лидер Владимир Путин, Папата Лав XIV испрати јасна порака – време е да запре насилството во Украина.

„Секогаш се надевам на примирје, прекин на насилството и постигнување договор. Треба да се прашаме – која е целта на војната?“ изјави Папата за италијанската агенција АНСА.

Денеска во oчите на големата средба, се одржа и разговор меѓу европските лидери, украинскиот претседател Володимир Зеленски и Трамп, со цел усогласување на ставовите пред директниот дијалог со Путин. Во петок, сите погледи ќе бидат вперени кон Алјаска – ќе донесе ли овој самит историски прекин на војната?