СТРУГА ЌЕ ЖИВЕЕ ЗА РАКОМЕТОТ Стартува 53. издание на традиционалниот ракометен турнир

Денеска во Струга започнува 53. издание на традиционалниот ракометен турнир, еден од најстарите спортски настани од овој тип во Македонија.

Минатогодишниот победник, тимот на Пелистер, оваа година нема да го брани трофејот, а на турнирот нема да настапат ниту екипите на Вардар и Алкалоид.

Во турнирот ќе се натпреваруваат шест екипи:

• Од Македонија: Струга (домаќин), Охрид, Тиквеш и Бутел
• Од странство: Бурса (Турција) и Раднички Крагујевац (Србија)

Турнирот ќе биде отворен со езерското дерби помеѓу Струга и Охрид, кое ќе започне во 18:30 часот, по што ќе се одржи свеченото отворање.
Вечерта ќе заврши со натпреварот Бутел – Раднички.

Натпреварувањето ќе трае до 16 август, кога во 20:45 часот ќе се одигра големото финале и ќе биде крунисан новиот победник на струшкиот турнир.