ИСПЛАТЕНА ГЛАВНИЦАТА И КАМАТАТА ЗА ПРВАТА ГРАЃАНСКА ОБВРЗНИЦА – Државата врати 23,5 милиони евра на 1.448 граѓани

Министерството за финансии објави дека е завршена исплатата на главницата и каматата за првата граѓанска обврзница, издадена во јули 2023 година. Вкупно 1.448 граѓани добија исплата од 1,4 милијарди денари (23,5 милиони евра), вклучувајќи и камата од 72,4 милиони денари (1,2 милиони евра).

Оваа обврзница, со двегодишен рок и годишна каматна стапка од 5%, беше прв државен инструмент наменет исклучиво за физички лица. Од Министерството истакнуваат дека интересот бил голем и дека ваквиот начин на инвестирање покажал доверба на граѓаните во фискалната стабилност на земјата.

Досега се издадени две граѓански обврзници во вкупна вредност од 41,1 милион евра. Министерството најавува нови финансиски инструменти за граѓаните, со цел зголемување на нивната вклученост во финансискиот систем.