БУГАРИЈА СЕ ВООРУЖУВА – 620 милиони долари за противракетен систем од САД

Американскиот Стејт департмент одобри потенцијална продажба на крајбрежен систем за противракетна одбрана (НОМАДС) и дополнителна опрема на Бугарија, со вкупна вредност од околу 620 милиони долари (приближно 530 милиони евра), соопшти Пентагон.

Како што јави Ројтерс, системот ќе го испорача норвешката компанија Kongsberg Defence, водечки снабдувач на одбранбена технологија под сопственост на норвешката влада.

НОМАДС претставува мобилен систем за воздушна одбрана дизајниран за брзо распоредување блиску до линијата на фронтот. Наменет е за заштита од беспилотни летала и крстосувачки ракети.