МАКЕДОНИЈА ПРЕД ПОСЛЕДНИТЕ ДУЕЛИ ВО ЛИГАТА НА НАЦИИ Седлоски под притисок да ја прекине црната серија и голгетерскиот пост

Македонската фудбалска репрезентација ја очекуваат последните два натпревари во Б Лигата на нации, против Шкотска во Глазгов и Словенија во Скопје.

Избраниците на Гоце Седлоски веќе се подготвуваат за дуелот со Шкотска, но зад себе имаат серија од осум натпревари без победа и дури 720 минути без постигнат гол.

Навивачите очекуваат конечно прекин на негативната серија, а главното прашање е дали Седлоски ќе најде решение за неефикасноста на националниот тим. Секој позитивен резултат во Глазгов би бил добредојден.