ИЗВЕСТУВАЊЕ ЗА ВОЗАЧИТЕ Еве каква е состојбата на патиштата и границите
Сообраќајот низ Македонија се одвива непречено, коловозите се претежно суви, а на граничните премини нема подолги задржувања. Возачите се повикуваат на претпазливост поради можни одрони.
Сообраќајот на државните патишта во Македонија се одвива без поголеми проблеми, по претежно суви коловози.
Интензитетот на сообраќајот надвор од градските средини е умерен, додека на граничните премини од македонска страна нема подолги задржувања за влез и излез од државата.
Се апелира до возачите да ја приспособат брзината на движење кон условите на патот, да ја почитуваат сообраќајната сигнализација и да управуваат внимателно со возилата.
Посебна претпазливост се препорачува при движење низ котлините, речните долини и клисурите, каде што постои можност за појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Во сила е и сезонскиот режим на сообраќај на патниот правец Охрид – Ресен, преку Националниот парк Галичица. Од 15 април, патот е отворен за сообраќај за сите видови возила со тежина до 3,5 тони.
