ОД ПРАШАЊАТА ЗА БРЕМЕНОСТА ДО ИСХРАНАТА НА НАЈМАЛИТЕ Бесплатната обука  на dm и „Матрона“ собра 40 родители во Струмица

Исхраната во бременоста, имунитетот и здравите навики во најраната возраст беа во фокусот на бесплатната едукативна обука од „Караванот на мајчинство“, што dm drogerie markt и Здружението на граѓани за промоција и поддршка на здравјето „Матрона“ ја одржаа на 30 септември во хотел „Сириус“ во Струмица. Повеќе од 40 учесници имаа можност да слушнат стручни препораки, да добијат практични совети и да отворат прашања поврзани со исхраната и грижата за здравјето на мајката и детето.

Наместо темата за исхраната да остане само на општи препораки, средбата беше можност присутните да слушнат стручни насоки за периодот од бременоста до најраната возраст на детето. Прим. д-р Марина Поп Лазарова и д-р Александра Хаџи-Димова, во рамки на обуката „Здрава исхрана за мајката и детето: Препораки за силен имунитет од бременоста до најраната возраст“, се осврнаа на правилната исхрана на мајката и детето и на препораките за поддршка на имунитетот во овие важни животни периоди.

Средбата во Струмица беше уште една можност родителите и идните родители да добијат информации директно од стручни лица за теми што честопати носат дилеми во секојдневието. Со тоа, „Караванот на мајчинство“ уште еднаш ја пренесе едукацијата од теорија во директен разговор со оние за кои овие прашања се најважни.

Како дополнителна поддршка, учесниците добија и подарок торби со babylove производи и ваучери за 15% попуст за купување производи од babylove во dm продавниците.

Оваа средба е дел од „Караванот на мајчинство“, иницијатива што dm и „Матрона“ ја реализираат втора година по ред, со цел да обезбедат едукација и поддршка за мајките, идните родители и семејствата. Годинешната програма досега отвори повеќе теми поврзани со различните фази од родителството – од дохраната на бебињата, спиењето и навиките кај децата и раниот моторен развој, до пренаталната едукација, грижата за новороденчето, исхраната и оралната хигиена, како и психичките промени во текот на бременоста и по породувањето.

Со средбата во Струмица, dm и „Матрона“ продолжија да го носат „Караванот на мајчинство“ поблиску до родителите и идните родители, создавајќи простор во кој прашањата за здравјето, развојот и грижата за мајката и детето добиваат стручни и релевантни одговори.