ОД ЌЕБАПИ ДО СУШИ Македонците „патуваат“ низ светот преку храната
Турската, мексиканската и грчката кујна се најпопуларни, а Охрид и Тетово предничат по нарачки на интернационални јадења.
За патување низ светот понекогаш не се потребни ниту авионски билет, ниту куфер. Доволно е да се избере што ќе има на менито.
По повод Светскиот ден на туризмот, 27 септември, податоците за нарачките преку Wolt во Скопје, Битола, Охрид и Тетово покажуваат дека интернационалната кујна станува сè почест дел од секојдневните навики. Речиси секоја петта нарачка од ресторан е поврзана со некоја од светските кујни, при што турската, мексиканската и грчката се издвојуваат како најпопуларни.
Дурумот, такото и гирото веќе се добро познати избори, а понудата ја надополнуваат паста, суши, Pad Thai и Butter Chicken. Така, еден обичен ручек или вечера лесно може да се претвори во мало гастрономско патување.
Секој град има свој гастрономски фаворит
Скопје има најразновиден избор, од медитерански и италијански специјалитети, како паста карбонара, до јапонски и азиски вкусови, меѓу кои суши и темпура.
Во Битола, мексиканската кујна има особено силно присуство. Такото и буритото се меѓу фаворитите кога станува збор за интернационалните вкусови.
Охрид, пак, нуди своевидна гастрономска мешавина – грчките и медитеранските специјалитети се среќаваат со италијанска паста, суши и индискиот Butter Chicken.
Во Тетово најсилно е присуството на турската кујна, со дурум, донер и лахмаџун меѓу најпрепознатливите избори.
Охрид и Тетово се издвојуваат и по најголемиот удел на нарачки од интернационалните кујни, што покажува дека интересот за светските вкусови не е ограничен само на главниот град.
Кога светските вкусови се среќаваат со домашните
Спојот на локалното и интернационалното не е нова појава во Македонија. Кулинарската традиција со векови се развивала под влијание на локалните обичаи, трговијата и соседните култури.
National Geographic наведува дека низ историјата преку трговските патишта во регионот пристигнувале состојки како ориз и зачини од Истокот, но и цитрусно овошје и маслинки од Медитеранот. Дел од овие намирници постепено станале составен дел од пошироката кулинарска традиција.
Сепак, македонската кујна и денес останува силно поврзана со локалните и сезонските производи, гостопримството и традицијата храната да се споделува околу трпезата.
Токму затоа интернационалните јадења не ги заменуваат домашните вкусови, туку им се придружуваат.
Ќебапи и пастрмајлија сè уште се на врвот
Податоците на Wolt покажуваат дека, покрај тако, бурито и другите интернационални фаворити, ќебапите и штипската свинска пастрмајлија остануваат меѓу најчесто нарачуваните главни јадења.
Еден ден изборот може да биде гиро, следниот суши или тако, а потоа повторно ќебапи или пастрмајлија.
И токму во тоа се гледа денешната гастрономска слика – локалното и глобалното сосема природно ја делат истата трпеза.
Од Турција и Грција, преку Мексико и Италија, па сè до Јапонија, Тајланд и Индија, Светскиот ден на туризмот покажува дека патувањето низ светот на вкусовите може да започне и од дома со изборот на следниот оброк преку Wolt.
