ПУТИН ГО ПОСЕТИ ИТУРУП, А ПЕКИНГ РЕАГИРАШЕ Јапонија, почитувајте го меѓународниот поредок
Пекинг реагираше откако Токио испрати протест по посетата на Владимир Путин на островот Итуруп, кој Јапонија го смета за своја територија.
Кина ја повика Јапонија да го почитува меѓународниот поредок воспоставен по Втората светска војна, реагирајќи на посетата на рускиот претседател Владимир Путин на Курилските Острови.
Од кинеското Министерство за надворешни работи порачаа дека Токио треба да ги почитува резултатите од победата во антифашистичката војна, со што Пекинг застана зад позицијата на Москва во спорот околу островите.
Путин неодамна го посети Итуруп, еден од четирите јужни Курилски Острови над кои Јапонија полага право. По посетата, официјален Токио испрати протест до Москва, повторувајќи го ставот дека островите се дел од изворната јапонска територија.
На кинеската порака се надоврза и руската страна. Портпаролката на руското Министерство за надворешни работи, Марија Захарова, остро ги критикуваше изјавите на јапонската премиерка Санае Такаичи и министерката за надворешни работи Тошимицу Мотеги. Таа ги оцени нивните ставови како „политички ирелевантни, навредливи и правно неважечки“.
Со најновата реакција, Пекинг јасно стави до знаење дека во спорот меѓу Москва и Токио за Курилите ја поддржува руската позиција и инсистира на почитување на повоениот меѓународен поредок.
ПУТИН ЈА ИЗРЕВОЛТИРА ЈАПОНИЈА Токио испрати протест до Москва, се подготвуваат и нови мерки
