ЛУДНИЦА ВО ЛА ЛИГА Барса му го краде големото засилување на Реал Мадрид

Барселона се вклучи сериозно во трката за потписот на Родри и може да му ги наруши плановите на најголемиот ривал Реал Мадрид. Каталонскиот гигант веќе воспоставил први контакти со луѓето кои го застапуваат играчот за врска на Манчестер Сити, кој сè уште не донел одлука за својата иднина.

Реал Мадрид подолг период работи на ангажманот на шпанскиот репрезентативец, но преговорите досега не донесоа конкретен договор. Ситуацијата ја искористи Барселона, која реши активно да се вклучи во борбата за еден од најбараните фудбалери на летниот трансфер период.

Според информациите од Шпанија, тренерот на Барселона, Ханси Флик, лично контактирал со Родри и му ја претставил својата визија за неговата улога во тимот. Германскиот стратег верува дека играчот на Манчестер Сити би бил клучно засилување за средниот ред.

Родри се наоѓа во последната година од договорот со англискиот шампион, а засега нема сигнали дека е подготвен да ја продолжи соработката. Манчестер Сити, пак, не брза со неговата продажба, свесен дека интересот од двата најголеми шпански клуба може дополнително да ја зголеми неговата вредност.

Барселона веќе разговарала со агентите на фудбалерот за можните услови и неговата желба за евентуално враќање во Ла Лига. Каталонците воспоставиле контакт и со Манчестер Сити, но официјална понуда сè уште не е испратена.

Во таборот на Барселона сметаат дека Родри совршено се вклопува во плановите на Флик. Неговото пристигнување би донело стабилност во средината на теренот, а дополнителна предност е тоа што повторно би настапувал во Шпанија и би бил поблиску до голем број репрезентативни соиграчи.

Интересот на Барселона дополнително се зголеми по повредата на Френки де Јонг, кој по проблемите со лигаментите на коленото ќе мора подолг период да паузира. Со тоа Флик остана без еден од главните играчи во средниот ред.

Сепак, за да го реализира трансферот, Барселона ќе мора да направи финансиски простор и најверојатно да се раздели со дел од својот состав. Се шпекулира дека Манчестер Сити би барал сума меѓу 60 и 75 милиони евра, зависно од развојот на преговорите.

Трансфер експертот Фабрицио Романо тврди дека финансискиот дел нема да биде пречка за ниту еден од двата мадридско-каталонски ривали.

„Обештетувањето не е проблем. И Реал Мадрид и Барселона можат да ја платат сумата која ја бара Манчестер Сити. Сега сè зависи од одлуката на Родри и неговата желба каде ќе ја продолжи кариерата“, наведува Романо.

https://nacionalno.mk/na-ava-od-madrid-florentino-perez-go-saka-rodri-real-podgotvuva-dogovor-do-2030-godina/