ИРАН УДРИ СО НОВА ЗАКАНА Кој ќе им помогне на Америка и сојузниците ќе добие суров одговор

Одделот за односи со јавноста на Иранската револуционерна гарда (ИРГЦ) упати остро предупредување до земјите кои, според нив, му помагаат на „агресорот“, наведувајќи дека ќе следи „суров одговор“ доколку не го променат своето однесување.

Во соопштението на ИРГЦ се тврди дека во текот на изминатата ноќ два танкери за нафта, придружувани од американски авиони, се обиделе да поминат преку небезбедна рута јужно од Ормускиот теснец. Според иранската страна, бродовите набрзо се вратиле откако на еден од нив избувнал голем пожар.

ИРГЦ порача дека Ормускиот теснец е под нивна контрола и дека нема да дозволат странски сили да се мешаат во поморските движења во регионот.

„Хормускиот теснец е наша територија. Морнарите на ИРГЦ имаат целосна контрола, а странците кои доаѓаат од илјадници километри нема да добијат дозвола да се мешаат“, се наведува во соопштението.

Иранската гарда дополнително најави дека „агресорот ќе биде казнет“ и предупреди дека земјите кои ги поддржуваат САД и нивните сојузници може да се соочат со последици.

Според ИРГЦ, повторното отворање на Ормускиот теснец нема да биде можно додека траат, како што наведуваат, американските закани и мешањето во поморскиот сообраќај во регионот. Тие предупредуваат дека дополнителните притисоци можат само да ја влошат и усложнат ситуацијата.