ЦЕНАТА НА НАФТАТА ПРОМЕНЛИВА – Еден потег меѓу САД и Иран менува сè

Цените на нафтата вчера забележаа пад од околу шест проценти, поттикнати од зголемените очекувања за можен мировен договор меѓу САД и Иран.

Утрово се бележи благ раст на цената, при што Брент се тргува околу 101,7 долари за барел, додека американската сурова нафта WTI (West Texas Intermediate) достигнува околу 95,49 долари за барел, според податоците на OilPrice.

Техеран соопшти дека разгледува предлог поддржан од САД за прекин на двомесечниот конфликт, а одговор се очекува во наредните денови преку посредство на Пакистан, по донесување на конечната одлука.

Иако тензиите донекаде се намалуваат, прекините во снабдувањето и високите трошоци за енергија продолжуваат да вршат притисок врз глобалната побарувачка, а нормализацијата на поморскиот сообраќај се очекува да трае уште неколку недели.