ИРАН ТВРДИ ЕДНО, АМЕРИКА НЕГИРА – Дали навистина е погоден американски брод во Хормутскиот теснец?

Американски функционер ги отфрли тврдењата дека ирански ракети погодиле американски воен брод, нагласувајќи дека „нашиот брод не е погоден“.

Изјавата ја пренесе новинарот Барак Равид, кој е познат по своето известување за дипломатија, национална безбедност и случувања на Блискиот Исток, а работи за Axios и CNN.

Претходно, ирански медиуми објавија дека наводно бил спречен американски воен брод во обид да влезе во Хормутскиот теснец. Според агенцијата Фарс, две ракети биле испукани кон бродот во близина на островот Јаск, откако, како што тврдат, не ги почитувал предупредувањата од иранските сили.

Иранските извештаи наведуваат и дека по инцидентот бродот се повлекол од областа.