НИКОЈ НЕ ГО ОЧЕКУВАШЕ ОВА – Каде исчезнаа Кејт Мидлтон и Принц Вилијам

Како и секоја година, британското кралско семејство го одбележа Велигден со богата традиција и церемонијал, но овојпат без присуството на Кејт Мидлтон и Принц Вилијам.

Кралот Чарлс III и Кралицата Камила го започнаа празничниот викенд со присуство на Кралската света служба во катедралата „Св. Асаф“ во Северен Велс. Овој настан продолжува една долга традиција воспоставена од покојната Кралицата Елизабета II, според која прославата секоја година се одржува на различна локација низ Обединетото Кралство. Воедно, ова е само вторпат во историјата Велигден да се одбележи во Велс, по 1982 година.

Иако станува збор за значаен момент, принцот и принцезата од Велс повторно избраа да го поминат празникот приватно со своите деца, принцот Џорџ, принцезата Шарлот и принцот Луис. Во претходните години, децата повремено присуствуваа на велигденските служби, при што Џорџ и Шарлот дебитираа во 2022 година во капелата „Св. Ѓорѓи“ во замокот Виндзор, а Луис им се придружи следната година.

Во пресрет на празникот, официјалниот Инстаграм профил на кралското семејство потсети на вековната традиција позната како „Royal Maundy“. Во објавата беа споделени фотографии од Чарлс и Камила од изминатите години, како и архивски моменти со Принц Филип и кралицата мајка.

Традицијата датира уште од околу 600 година, а секоја година на Велики четврток, монархот симболично доделува пари на граѓани кои дале значаен придонес во своите заедници.