ЛАВРОВ ПРЕДУПРЕДУВА – Германија повторно како главна воена сила

Рускиот министер за надворешни работи, Сергеј Лавров, ја критикуваше германската политика по доаѓањето на Фридрих Мерц на функцијата канцелар. Според него, Мерц со своите изјави и укинување на уставните ограничувања за воени трошоци ја води Германија кон повторно претставување како „главна воена сила во Европа“.

Лавров потенцира дека под владеењето на Ангела Меркел и Олаф Шолц, Германија имаше релативно мирен период, но сегашните политики создаваат загриженост. Тој истакна дека Русија е најголема не само во Европа, туку во Евроазија и во светот, и дека безбедноста на Евроазија не смее да се третира само низ призмата на НАТО и Европа.

Министерот забележа и растечки отпор во ЕУ кон германските планови за милитаризација и „преродба“ на земјата, поради што Германија не може целосно да доминира во Европа. Според Лавров, тоа предизвикува загриженост не само во Русија, туку и во други земји членки на Унијата.