ЗЕЛЕНСКИ СО КРИТИКА ЗА КЛИЧКО – Стотици домови во Киев се без топлина

Украинскиот претседател Владимир Зеленски го критикуваше постапувањето на градските власти во Киев во услови на вонредна состојба со електричната мрежа.

„Ова сигурно не може да се смета за нормално во град каде стотици домови се без греење секој ден со недели и без разлика на ситуацијата“, напиша Зеленски на Телеграм.

Тој додаде дека санациските работи во градот сè уште се во тек.

Претходно, градоначалникот на Киев, Виталиј Кличко, ги предупреди жителите за можно влошување на енергетската ситуација и советуваше да се подготват да ја поминат ноќта во грејните станици или привремено да го напуштат градот.