ФИНАЛЕ ЗА ГЕРМАНИЈА – Хрватска елиминирана
Со 31:28 ја победи Хрватска и за прв пат по 2016 година ќе игра во финале, кое ќе се одржи во Данска.
Германија се пласираше во финалето на Европското првенство за мажи, откако во првото полуфинале ја победи Хрватска со 31:28.
Првото полувреме беше изедначено, а Германците заминаа на одмор со водство од два гола. Во продолжението доминираа и на моменти имаа предност и до седум гола. Хрватите се обидуваа да ја намалат негативата, но не успеаја да го загрозат водството на противникот. Најефикасни поединци беа Цербе со шест голови и Волф со 13 одбрани.
За Германија ова е прво финале на Европското првенство по 2016 година, кога во Полска станаа шампиони. Овој пат финалето ќе се игра во соседна Данска.
Во второто полуфинале ќе се сретнат Данска и Исланд. Голем фаворит е Данска, која покрај олимписката и светската титула, сака да ја освои и европската, што последен пат го направи во 2012 година.