МЕ ПРЕДАДЕ ДЕНЕС НА ВЕЛИКИ ПЕТОК Соработувавме 30 години, се борев за него и само добро му правев

Пејачката Јелена Карлеуша реши да го прекине пријателството со Дејан Милиќевиќ со кого работи 30 години, откако фотографот го искористи нејзиниот имиџ за невкусна шега а кое нешто длабоко ја погоди Јелена.

„Велики петок. Најтажниот ден на христијанството. Денот кога, според традицијата, по предавството на пријателите, мачењето и преживувањето, бил распнат човек по име Исус. Исто така, според традицијата, додека умирал, нашол сила да им прости на сите со познатата реченица „прости им оче, не знаат што прават“ додека толпата околу него садистички уживала во неговото мачење. На овој Велики петок, илјадници години подоцна, оваа слика на својата социјална мрежа ја објави Дејан Милиќевиќ, фотограф и видеограф со кој соработував речиси 30 години и само му правев добро“ напиша Јелена,

Јелена уште вели:

„Фотографијата е скриншот од емисијата каде плачам затоа што нелуѓе го осквернавија гробот на мајка ми. На моето лице е „залепено“ лице на друга жена која минува низ истиот линч и голгота како мене, ова е Ана Брнабиќ. Оваа фотографија со песната „тажен хрчак“ Дејан реши денеска да ја закачи со потсмев. Тој, кој и самиот цел живот е исмејуван и напаѓан поради своите убедувања, а за чии права се борев цел живот, реши на Велики петок да исмева две жени. Во текот на неговиот живот, жените беа извор на неговиот успех, заработката, жените беа секогаш тие што го разбираа и го бранеа. Сепак, ненадејно, во моите зрели години, овој човек кого го сметав за пријател, го направи ова. На овој Велики петок, симболично, простете им и на пријателите и на непријателите. Како јас на Дејан, но и на многу други. Разберете ги, најдете сила. Затоа што ти ќе излезеш од морето од солзи, а некој од сопствената темнина никогаш. Нека времето што доаѓа, по којзнае кој пат, ми даде сила на лав да ја ослободи душата од разочарувањето кај луѓето. Тие не знаат што навистина прават“ – потенцираше Јелена.