ГРЧКИТЕ ЗЕМЈОДЕЛЦИ ЈА БЛОКИРАА ГРАНИЦАТА Парализиран граничниот сообраќај со Македонија

Од 11:00 часот денеска целосно е блокиран сообраќајот на граничниот премин Евзони (Богородица), и за влез и за излез од државата. Причината е нов протест на грчките земјоделци кои ја затворија границата.

Проблеми има и на преминот Ники (Меџитлија), каде сообраќајот е ограничен. Таму блокадата важи само за товарни возила и автобуси, додека патничките автомобили слободно се пропуштаат.

Единствениот премин на кој сообраќајот се одвива нормално е Дојран. Сепак, поради затворањето на другите две гранични точки, таму е забележан значително зголемен проток на возила, што предизвикува задржувања и подолги периоди на чекање при влез во државата.