ПАРКИНЗИТЕ ВО ЦЕНТАР ДЕНЕС БЕСПЛАТНИ Два од објектите остануваат со наплата

Паркинзи на Општина Центар известуваат дека по повод државниот празник „Св. Климент Охридски“, сите паркиралишта под нивна надлежност денес ќе бидат бесплатни за користење од страна на граѓаните.

Исклучок од ова се затворените паркиралишта „Дилајла“, каде наплатата се врши автоматски, и „Трготекстил“, на кои наплатата ќе се спроведува согласно редовниот режим. Од претпријатието додаваат дека редовната наплата за паркирање ќе продолжи утре, во вторник, со вообичаеното работно време.