НИКОЛИНА КОВАЧ ЗА ДЕТСТВОТО И ВОЈНАТА Длабоки трауми, но верата ми даде сила

Пејачката Николина Ковач, родена во Сараево, се потсети на своето детство поминато во време на војната во деведесеттите години, откривајќи дека тие искуства ѝ оставиле длабоки трауми.

„Не само последиците од војната ме погодија, туку и некои тешки ситуации со врсниците. Долго време, скоро до крајот на основното училиште, имав проблеми како мокрење во кревет и силни главоболки. Година и пол по потпишувањето на Дејтонскиот договор, тргнав на училиште, во прво одделение. Во тоа време, моите родители се бореа за гол опстанок, немаа ниту простор ниту време за грижа за сè“, раскажува Николина во емисијата „Компас“.

Таа додава дека најголема поддршка ѝ билa верата на нејзината баба:

„Она што ме држеше напред беше пред сè верата на мојата баба, која е вистински верник. На десет години таа ме воведе во духовноста, ме носеше во манастири, и секогаш се чувствував удобно во таа атмосфера. Тогаш доживеав како вистинската духовност може да ме исполни.“

Николина се потсети и на моменти од секојдневниот живот за време на војната, како првиот пат кога пробала мајонез:

„Се сеќавам кога мојот чичко донесе мајонез. Првпат го пробав и реков колку е вкусен. Во тоа време мајка ми немаше можност да го купи, бидејќи немаше плата, беше вистинска борба за опстанок. Често останував кај баба и дедо во Источна Илиџа, каде што тие живееа уште од шеесеттите години. Функциониравме според ситуацијата со пукањето: ако беше побезбедно таму, останував кај нив, ако имаше примирје во Илиџа, се враќав дома“, сподели таа за телевизијата Адрија.

Денес, Николина успешно се справува со сите трауми. Ужива во работата што ја сака и во бракот со пејачот Саша Капор, со кого го очекува своето трето дете. Двојката веќе има син и ќерка.