ПОЗНАТИОТ АДВОКАТ ЈАНАКИ Е СРЕЌЕН ЧОВЕК – Маријана по 17-ти пат му рече големо ДА

Познатиот македонски адвокат Јанаки Митровски го прослави јубилејот од бракот на начин што ја разнежни не само сопругата, туку и многу од неговите следбеници.

Со едноставен, но моќен гест, тој повторно ја „запроси“ Маријана, оставајќи ја без зборови и со солзи радосници во очите. Во видео објавено на својот Фејсбук профил, Јанаки се гледа како клекнува пред сопругата ѝ подарува прстен, прашувајќи ја дали по 17-ти пат би сакала да се омажи за него. Реакцијата на Маријана е искрена и емотивна – не може да ги задржи солзите и се препушта на радоста од изненадувањето.

Јанаки и Маријана се запознале уште на факултет и од тогаш градат заеднички живот. Денес, тие се родители на син и ќерка, а нивниот семеен живот е исполнет со љубов и меѓусебна поддршка. Адвокатот често истакнува дека сопругата е „столбот“ на неговото семејство, инспирација која го придружува во секој аспект од животот, и професионално и приватно.

Романтичниот потег на Јанаки предизвика лавина позитивни коментари, особено од женската публика, која е воодушевена од неговата внимание и посветеност кон семејството. Многумина го опишаа гестот како прекрасен пример на љубов што расте и се зајакнува со текот на времето.

Со овој чин, Јанаки Митровски уште еднаш потврди дека романтиката и љубовта кон саканата личност не бледнеат, туку стануваат посилни со секој заеднички момент.

Инаку, покрај тоа што е адвокат, Јанаки е препознатлив и по својот уникатен стил, а веќе подолго време води и свој подкаст.