МАКЕДОНИЈА ТРГНУВА КОН ПЛАСМАН НА СП 2025 Вечерва на мечот со Полска одиме на изненадување на гостинскиот терен

Женската сениорска репрезентација на Македонија ги изврши последните подготовки за првиот натпревар од баражот против Полска за пласман на Светското првенство 2025.

Избраничките на Кристијан Грчевски вечерва на гости во Полска ќе атакуваат на изненадување, а пред вечерашниот натпревар, имаа последна проверка на силите.

Од оние 19 кои беа во комбинација за настап, во составот не се Матеа Чурлиновска, Пена Граматова и Емилијана Ризоска.

Натпреварот меѓу Полска и Македонија е закажан за 20:30 часот, додека реванш средбата ќе се одигра на 12 април во Битола.

Управниот одбор (УО) на Ракометната федерација на Македонија (РФМ) одреди парична награда за македонската сениорска женска ракометна репрезентација за успешен пласман на претстојното Светско првенство, во висина од 1,5 милион денари, објави РФМ.

Правдата на денешниот дуел ќе ја делат Михаела Парашив и Георгијана Мурариу од Романија, а делегат на мечот е Тадас Јансонас од Литванија.