МЕСИ ОТКРИВА Кога ќе знае дали ќе учествува на СП 2026?

Лионел Меси, аргентинската фудбалска ѕвезда, изрази надеж дека ќе учествува на Светското првенство 2026, но нагласи дека конечната одлука ќе зависи од неговата физичка подготвеност. „Посебно е да се игра на Светско првенство. Би сакал да учествувам следната година ако бидам подготвен и ако можам да ја исполнам улогата што би помогнала на репрезентацијата“, изјави Меси во интервју за NBC News.

Меси, кој во моментов има 38 години, ќе започне подготовките со Интер од Мајами следната година, кога ќе може да оцени дали е на вистинскиот ниво за да помогне на својот тим во одбраната на титулата. Оваа сезона, тој беше најдобар стрелец во американската МЛС со 29 погодоци и 16 асистенции. По неговото пристигнување во Интер од Мајами летото 2023, неодамна го продолжи договорот со клубот до крајот на 2028 година.

„Многу би сакал да играм на Светското првенство и да можам на терен да ја бранам титулата што ја освоивме во Катар 2022. Играњето за репрезентацијата е остварување на сонот“, додаде Меси. Тој истакна дека освен индивидуалните успеси со Барселона, му недостигал голем успех со репрезентацијата. „Освојувањето на Светското првенство со Аргентина беше мојот животен сон. На крајот на краиштата, ако прашате било кој фудбалер за што сонува, ќе ви каже дека тоа е титулата светски првак“, заклучи Меси.