СТАНКОВИЌ КОН НОВИНАРИТЕ “Пишувајте што сакате, ќе се борам до последната капка крв!”

Во светот на фудбалот, Дејан Станковиќ не се предава. По победата на неговиот тим, московскиот Спартак, против Динамо Махачкала со 3:1 во последното коло на групната фаза на Купот на Русија, руски новинари продолжуваат да поставуваат прашања за неговата иднина на тренерската позиција. На прес-конференцијата, еден од новинарите го праша: “Мислевме дека можеби ќе заминете по ваша волја, од разни причини. Дали е можно дека денес е вашата последна утакмица како главен тренер?”

Станковиќ, познат по својата упорност, одговори: “Ситуацијата е иста за сите тренери. Има многу примери. Можам да спомнам Игор Тудор, кој секој викенд е под неверојатен притисок. Тоа е еднa од причините зошто го сакаме нашиот занает. Јас сум тип на тренер кој никогаш не се предава и никогаш нема да се предаде. Секој ja работи својот работа. Вие пишувате што сакате. Јас go работам своето. Јас сум тренер на голем клуб во Русија. Сега гледам колку е тоа силно и важно. Тешко е. Голем е притисокот околу тимот, играчите. Не се предавам и никогаш нема да се предадам!”

Тој продолжи да објаснува дека клубот е тој кој донесува одлуки и дека не може да предвиди што ќе се случи во иднина: “Клубот одлучува во секој случај. Кога и што би можело да се случи, определува само клубот. Утре, задутре или било кој друг ден, клубот ќе одлучи. Можете да наведете стотина имиња. Тоа нема да промени ништо.” изјави Станковиќ.

На крајот, Станковиќ се осврна на своето време во Лацио, каде што беше дел од извонредна генерација под водство на Свен Ериксон, и спомна неколку успешни тренери кои произлегле од таа ера. “Не спомнавте Синиша Михајловиќ, одличен пример од таа генерација, кој исто така беше тренер. Можеби ни пренесе својата страст и љубов кон фудбалот. Многу мирно, искрено, и можеби затоа толку многу играчи од таа генерација станаа тренери на висок ниво. Денес ќе повторам дека никогаш нема да се предадам. Ќе се борам до последната капка крв. А како ќе оди, ќе видиме. Сергио Консеисао исто така добро започна во Милано, а потоа, по некое време, се сè промени. Секако, ги прифаќам овие правила. Ова се случува секаде.”