ТРАГИЧНА НЕСРЕЌА ВО ЗАЈАС Жител загина под трактор

На 12 септември 2025 година, во 19:22 часот, во полициското одделение во кичевското село Зајас, е пријавена трагична несреќа. На шумски пат во атарот на селото, пронајден е маж по име Џ.М. (52) од Зајас, кој загинал под тракторот “универзал”.

Според првичните информации од местото на настанот, Џ.М. управувал со тракторот кога изгубил контрола, паднал и бил прегазен од возилото. Лекар од Итната медицинска помош од Кичево, кој пристигнал на местото на несреќата, констатирал смрт без видливи траги на насилство.

Оваа несреќа ја потресе локалната заедница, а полицијата продолжува со истрагата за утврдување на сите околности поврзани со инцидентот.