ВЕТЕРАНОТ ВИЛИЈАН СЕ ВРАЌА ВО БРАЗИЛ Новиот клуб е Гремио!

Искуствениот крилен фудбалер Вилијан, по втор пат и веројатно последен, се врати во родната Бразилија. На 37-годишна возраст, тој се приклучи на Гремио, тим од Порто Алегре, кој во моментов се наоѓа на 13. позиција во бразилската Серија А. Во новиот клуб, Вилијан ќе игра рамо до рамо со Артуро Мело и Мартин Брајтвајт, поранешни играчи на Барселона.

По завршувањето на договорот со Фулам, Вилијан доби слобода да избере нова средина. Тој помина две и пол години на Крејвен Котиџ, со кратка пауза во Олимпијакос. Сепак, со оглед на тоа што физичката подготвеност не му дозволува да го задржи својот препознатлив стил на игра, одлуката да се врати во Јужна Америка и да ја заврши кариерата во родната земја изгледа логична.

Вилијан веќе еднаш се врати во Бразил во 2021 година, кога премина во својот младински клуб Коринтијанс. По само една сезона, тој се врати во Англија, но сега изгледа дека неговото време во Европа е завршено. Во текот на својата кариера, Вилијан настапуваше и за Шахтјор и Анжи од Махачкала, а за време на седумте години поминати на Стамфорд Бриџ, освои две титули во Премиерлигата, Лигата на Европа, ФА купот и Лига купот.

„Willian has completed his medical at Gremio and will sign his contract now,“ објави познатиот новинар Фабрицио Романо на социјалните мрежи.