48. СЕДНИЦА Собранието усвои неколку закони по скратена постапка

Собранието на Република Македонија денеска ја продолжи 48. седница, на која без расправа ги усвои измените на Законот за оружје и измените на Законот за употреба на македонскиот јазик. Предлог-законите беа поднесени од пратеници на ВМРО-ДПМНЕ и ЗНАМ и беа донесени по скратена постапка.

За предложените измени на Законот за работни односи, исто така поднесени од пратеници на ВМРО-ДПМНЕ, Собранието ќе се изјасни дополнително, откако ќе се создадат соодветни деловнички услови.

Во рамките на 47. седница, која претходеше на денешната, пратениците ги усвоија и дополнувањата на Законот за урбанистичко планирање.