ЗАМРЗНАТИТЕ РУСКИ СРЕДСТВА МОЖАТ ДА И ПОМОГНАТ НА УКРАИНА Но има правни пречки

Италијанскиот министер за надворешни работи Антонио Тајани изјави дека не се противи на идејата замрзнатите руски средства да се искористат за финансиска помош на Украина, но предупреди дека пред реализацијата на таквиот план мора да се надминат одредени правни дилеми.

Тајани посочи дека европските претставници и претходно ја разгледувале оваа можност, но дека досега не е донесена одлука токму поради правните проблеми што го отежнуваат нејзиното спроведување, објави АНСА.

„Разговаравме неколку пати и одлуката не беше донесена не поради политички причини, туку токму поради правни причини“, рече Тајани.

Тој додаде дека правните прашања мора внимателно да се разгледаат пред да се преземе каков било чекор во врска со замрзнатите руски средства.