(ВИДЕО) ДРАМА НА МУНДИЈАЛОТ Португалија во 96-та минута ја шокира Хрватска, победи и за Шпанија и Швајцарија

Европскиот првак Шпанија рутински обезбеди пласман во осминафиналето на Светското првенство, откако ја совлада Австрија со 3:0 (1:0). Стрелци за „фуријата“ беа Микел Ојарзабал со два погодоци и Педро Поро, а Марк Кукуреља запиша две асистенции, додека една асистенција имаше Алекс Баена. Ова е значајна победа за Шпанија, која првпат по Мундијалот во 2010 година повторно бележи триумф во нокаут-фаза на Светско првенство, кога и ја освои титулата во Јужна Африка. Доминацијата беше крунисана во 36. минута кога по акција по левата страна, Ојарзабал погоди за 1:0. Во второто полувреме Шпанија продолжи со притисок, а дилемите околу победникот беа решени во 66. минута кога Педро Поро погоди за 2:0 по асистенција на Баена. Конечните 3:0 ги постави Ојарзабал во 89. минута.Во осминафиналето, Шпанија ќе игра против Португалија во понеделник, 6 јули, во 21:00 часот.

Во друг натпревар, Португалија по драматичен пресврт ја совлада Хрватска со 2:1 и обезбеди пласман во осминафиналето. Хрватска поведе преку Иван Перишиќ, но Кристијано Роналдо израмни од пенал, а Гонзало Рамос донесе победа во судиското продолжение. Натпреварот беше обележан со голема драма и долги ВАР-проверки, при што беше поништен погодок на Хрватска во завршницата поради офсајд. Португалија и Шпанија сега ќе се соочат во големото пиринејско дерби на 6 јули.

Швајцарија, пак, сигурно се пласираше во осминафиналето со победа од 2:0 над Алжир. Стрелци беа Брил Емболо и Ден Ндој. Швајцарците ја контролираа играта во текот на целиот натпревар и без поголеми проблеми го потврдија пласманот меѓу најдобрите 16 селекции на светот.